හැන්ඩි අයියට දුන්නු මගේ නම්බරේ..

අයියලා දෙන්නෙක් ඉන්න ගෙදර බාල නංගි ගැන කවර කතා ද? ලියන්න ලව් ස්ටෝරි නෑ බූට් තියන්න එකෙක් ආසාවට මාට්ටු වුණේ නෑ.. ඇයි ඇයි ඔයාලා හිනා වෙන්නේ?
අවුරුද්ද දෙකක් නම් කමක් නෑ.. අවුරුදු 10/12 ක් වැඩිමල් උසට උසේ හැන්ඩි අයියලා දෙන්නෙක් ගේ නංගියෙක්ව හොරෙන්වත් බලන් නෑ කවුරුත්!
අයියලාගේ දැඩිම දැඩි නීතිය ස්කෝලේ ගිහින් ඉවර වෙනකල් #ෆෝන්_තහනම්!😭😭😭
ඕනම නම් අම්මගේ ෆෝන් එක තමා ඉතින්!

හැබැයි මේ සිද්ධිය වුණේ නමය වසරේ ඉන්නකොට.. එතෝට නම් අපේ පන්තියේ ගෑල්ලමයින්ට පිරිමි ළමයෙක් දෙන්නෙක් ඒම උන්නා.. මට තමා නැත්තේ 😞 මටත් හිටිය බොක්කෙන්ම යාලු කොල්ලො සෙට් එකක්.. දුම්මල ගැහුවත් උන් තාම යන් නැති එකයි ප්‍රශ්ණේ..
ඔන්න කතාව හොඳේ, අපි ගෙදර කට්ටියත් එක්ක ගියා නුවරෙළි ට්‍රිප් එකක්.. අනේ ඉතින් අම්මලා එක්ක ඉන්නකොට අපි නමය වසරේ වුණාට මොකො පහේ ළමයි ලෙවෙල් එකට දාලයි තිබ්බේ මාව..
ගිය තැන අම්ම මට අරන් දුන්නේ මොනාද දන්නව ද???? අර බොත්තම් එබුවාම ලලයි ලිලයි ගාණ පාට පාට ප්ලාස්ටික් ෆෝන් කෑලි තියෙන්නේ 20ට 50ට අන්න ඒකක්.. 😈😈

ඉතින් මාත් මගේ ඒ ස්මාර්ට් පොන් එක කනේ ගහන් සිරි නරඹමින් එනකොට අනේ මට අයියලා දෙන්නෙක් ඉන්න වගේ වගක් නොදන්න පිට ගම්කාර හැන්ඩි අයියෙක් පස්සෙන් එන්න ගත්‍තා.. හෆ්ෆා ගැම්ම ඉතින්.. ඔන්න දැන් අර හැන්ඩි අයියට ඕනි වුණා මගේ අතේ තිය ෆෝන් එකේ නම්බරේ 😂😂
දැන් මූ හස්ත මුද්‍රාවෙන් නම්බරේම ඉල්ලනවා.. දීහන් කො නම්බරේ දැන් ඉතින්..
ඔන්න මම දතුත් විරිත්තලා වෑන් එකටත් නැග්ගට මොකෝ ඌට ගුලියක් අඹරපාන් කියලමයි හිත කිව්වේ.. 😉
අර යකා යන්නෙත් නෑ පස්සෙන් කැරකෙනවා.. ඇස් බෝල යැව්ව හතර වටේ අන්න දැක්ක බෝඩ් එකක් නුවරෙළියේ ඉඩමක් විකුණන්න තියනෝලු කියලා.. ඒ නම්බරේ බලාන මේ හැන්ඩි අයියට අතේ ඇඟිලි 10 ඒම මේම කරක කරක නම්බරයකුත් දුන්නා.. අපිත් වෑන් එක පිටත් වෙලා ආවා..
මං දැන් මේ කල්පනා කලේ ඒ අයියා ඒ ඉඩම ගත්තාද ? නැද්ද ? කියලා 😂😂

මඟක් දුර ගිහින් වෑන් එක ඇතුලෙදී ඕක කට්ටියට කියන්න ගිහින් වුණේ මගේ අර ප්ලාස්ටික් ස්මාර්ට් ෆෝන් එකත් මට නැති වෙච්ච එක..!
ගෙදර යන ටිකට මේකි කී දෙනෙක් ට ගිණි ගෙඩි දෙයිද දන් නෑ කියලා ඒ ෆෝන් එක උදුරා ගත්තා අපේ ගෙදර ප්‍රජාව..!

සැ:යු: මේ නුවරෙළි ගමනට එදා අයියලා දෙන්නා ආවේ නෑ ලු ඈ.. ආවනම් එකෙක් පස්සෙන් එනකල් අයියලා බලා ඉඳී යැ !