මට ලයිසන් තියනවා සර්ර්ර්ර්ර්ර්..

මං උසස් පෙළ කරන්න පටන් ගන්නවත් එක්කම වගේ ලොකු අයියා රට යන්න සූදානම් වෙවී හිටියේ. ඒ දවස් වල අලුත්ම බයික් පැසන් එක මදුරුවා.. ඉතින් නිකං ලොකු ලොකු ස්කූටි ඉල්ලලා පච වෙන්න ඕන නැති නිසා 'අයියේ මදුරුවේ..ක්..' 'අනේ.. යන්න කලින් මදුරුවේක් අරන් දෙන්නකෝ..' කියලා පොඩි කංකරච්චලයක් දීගෙන හිටියේ.. බෑ බෑමයි කිව්ව කෙනා යකූ යන්න සති දෙහෙකට කලින් ගෙනත් නැවැත්තුවනේ බොලේ ස්කූටියක්!
හෑ ප්ලෙශර් එකක්! සතුට ඩබල් ට්‍රිබල්!

මොකක්ද බොලේ ඒකේ පාට.. ගමටම එකමයි.. 😭😭 ඒකේ පොටෝවක් තමා ඔය රත්‍රන් පාටට දිස්නේ දෙන්නේ.. 😞
හදිසියට හොර ගමනක් වත් යන්න නෙමෙයි ඉතින් ඕං ඕකේ..
අයියා ඕම්මමයි.. ඒත් කමක් නෑ ඒම හරි බයික් එකක් හම්බුනානේ.. අයියා අම්ම ළඟ කිව්වේ නම් නංගිට ලයිසන් අරන් දෙන්න ලබන අවුරුද්දෙ 18 සම්පූර්ණ වුණාම අක්කට දැන්ම ගමු කියලා. හැබැයි ඔය ක්ලාස් එහෙම අතුරු පාරකින් හරි ගිහින් ආවදෙන් ඕකි බස් වල ගියාම රණ්ඬු වෙනවා කියලා. ඔව් ඔව්.. ඒක ඇත්ත අනුන්ගේ කුණුමයි කරේ දාගෙන එන්නේ..😂

කෝමින් කෝම හරි අයියත් රට ගියා මාත් ස්කූටියේ පන්ති ආවා ගියා.. අවුරුදු තුනකුත් වුණා අයියා ලංකාවටත් ආවා උසස්පෙළත් ඉවර වුණා අම්මා ලයිසන් ගන්න දුන්නේම නෑ..  😈
හැබැයි ඔන්න ඔය වෙනකල් මං ට්‍රැෆික් මාතුරුන්ට අහුවෙලාම නෑ.. ඔය බයික් එකේ පොත කියන එක කොහෙද තියෙන්නේ කියලා දන්නෙත් නෑ..
ඔන්න හා හා පුරා කියලා 20 හෝ 21 මට ලබපු උපන්දිනේ උදාවුණා.. ඔව් ඔව් එතකනුත් බයික් එකට ලයිසන් නෑ තමා..
ඔන්න අම්මා මහලා දුන්නු අලුත් සල්වාරියකුත් ඇඳගෙන නිකං ෆුල් ආතල් එකේ එළියට බැස්සේ computer class යන්නයි කියලා.. ඔන්න මං යද්දි ඉන්නෝ පොලෝසියේ අංකල් කෙනෙක්.. හරියටම ක්ලාස් එක ඉස්සරහා.. ක්ලාස් කලින් තියෙන්නේ අතුරු පාරක්.. මම සිග්නල් දැම්මා ක්ල්ස එකට ඉස්සර නතර ගන්න.. අන්න අරයා හිතුවේ මට ලයිසන් නැති නිසා මේ මං එයාට බයේ අර අතුරු පාරට දාන්න යනවා කියලා.. 😭 නෑ මං එහෙම හිතුවේ නෑ.. ඒත් එයා එහෙමනේ හිතුවේ! 😭

අර පාර ළඟට දුවන් ඇවිත් මාව නතර කලා.. මදෑ.. මං දැන් බයික් එකෙන් බැහැල ඇවිත් හිටගෙන ඒ ලස්සන මූණ දිහා බලා ඉන්නවා..

'කෝ ලයිසන්ස්'

මාත් දත් විරිත්තලා.. 'අනේ සර් ක්ලාස් එකට එන්න පරක්කු වුණා ආව හදිසියට පර්ස්නෙක දාලා ඇවිත්'

'මේ.. ඔය ළමයට ලයිසන් නෑ.. ඒක නේ'

'නෑ නෑ සර්.. ලයිසන් තියනවා.. මං දැන් ගිහින් ගේන ද? මේ ගෙවල් ළඟ'

'අහ් හා.. කෝ දැන් බයික් එකේ පොත?'

හුටා.. ඒ කියන්නේ මොකක්ද? පොතක් මං දැකලා නෑ නේ..
'මේ.. කල්පනා කරන්නේ මොකො.. ඔය බක්කිය ඇරලා බලන්න ඒකේ ඇති'

ඔන්න දුවලා ගිහින් බැලුවා.. පිස්සු මේ යකාට පොතක් නෑ කොලයක් තියෙන්නේ..😞
ඔන්න ඇවිත් ඒක ඉල්ලගෙන මේ මනුස්සය කිව්වනේ..
'ලයිසන් තියනවනේ..? එහෙනම් පන්ති ඉවර වෙලා ගෙදර ගිහින් ලයිසන් එක අරගෙන පොලිසියට ඇවිත් මට පෙන්නලා මේක අරන් යන්න. නැත්තම් දඩේ ගෙවලා මේක අරගෙන යන්න'

උපන්දිනේ උදේ පාන්දර තෑග්ග මරු නේ..!

'මොකො ළමයෝ ලයිසන් නෑ නේ..?' කින්ඩි හිනාවකුත් එක්ක ආයෙම ඇහුවනේ..

අනේ මට පුළුවන් ද සෙකන්ඩ් වෙන්න ඔහොමත්?
'අනේ ලයිසන් එක තියනවා සර්..'

'හා එහෙනම් නම කියන්නකො'

ඔයාලා හිතුවනේ මං ගත් කටටම සෆා කියලා කිව්වයි කියලා.. නෑ.. එවෙල්වෙ මං එහෙම්ම අපේ අක්කගේ වුණා.. මගේ නම වෙනුවට අක්කගේ නම විස්තර දීලා නිකං චූන් එකේ පන්තියට ගියේ..
අයියට කිව්ව 'අන්න පුතේ බයික් එකේ පොත අරන් ගියා පොලෝසියට.. අක්කගේ ලයිසන් එක අරන් ගිහින් පෙන්නලා පොත අරන් වරෙන් අයියේ කියලා' 😂😂

(ඒ කාලේ පොත ගැන ආදයම් බලපත්‍රය ගැන වැඩි දැනුමක් නැති කාලේ නොවැ.. ඉතින් ඔය ආදායම් බලපත්‍රය තමයි පොත කියලා ඔලුවේ රෙකෝඩ් වුණේ.. ඉතින් ඒ මතකය වෙනසක් නොකරම අකුරු කලා හොඳේ.. 😂😜😉 - Naleen අයියේ.. මේ ඔබේ අවධානය පිණිස.. 😂😂😂)

ඇල්ලුවේ නංගිව.. ලයිසන් එක්ක අක්කගේ.. පොලිසියේ පැයක දේශණයකට මාට්ටු වුණේ අතිජාත අයියා.. 😂😂😂
කෝමද ටිකිරි මොළේ..?

හැබැයි ඔයින් පස්සේ ආයෙමත් අවුරුදු ගාණකට පස්සේ මගේම බයික් එකේ යනෝටත් ට්‍රැෆික් එකේ අයියෙක් නැවැත්තුවානේ..! ඒතෝට නම් මට ලයිසන්ස් නම් තිබ්බා.. ඒ කතාව ඊළඟ කොටසින් ඈ 😂😂 එතකල් රැඳී සිටින්න..
හැබැයි පරණ සීන් වලට දැන් හොයාගෙන ඇවිත් දඩ ගහන්න නම් බෑ ඕං.. 😞 ඒවා ඔට්ටු නෑ.. නෑ මයි..
-සෆා-
හාකො හාකො.. මගෝඩි සෆා.. හරි නේ.. සතුටු ද දැන්?